also hie mau e paar info's

schutte isch dr hammer. scho am erste tag, ohni enand z kenne oder es wort z verstah, hei mir zaeme gschuttet u us chli kenne glernt. isch ebe doch verbindend so e sport. usserdem sie si faszieniert, dass e frou so gern u einigermasse tuet schutte.

am zwoeite tag bi ni ihne vorgstellt worde u sie si de zue ufgforderet mini lehrer zi u mir spanisch z lerne. was sie au sehr ernst naehmed u so ubersetze sie mir jede gegestand u fraged mi ob i weiss wie das u das heisst.

das sponsorefest isch auso meh es geburifest fuer alli chind gsi. mit zauberer, show u gschaenk. es si u viu amrikaner cho wo ihri pate si. alli sehr alt u so hets usgseh als waers e altersheim usflug. die si so richtig typisch amerikanisch gsi...(bild)

gschaenk si so e sach wiu de die einte meh als anderi becho hei. alli hei aber 2 paar schueh becho u es gschaenk vom heim. erstunlecherwiis si vieli vo dene jetzt scho kaputt oder tendiere i die richtig.

am abig ha ni de gfunde i wott endlich z meer gseh. leider ha ni mi ned so guet choenne verstaendige u sobini ime bus richtig meer (strand) glandet. isch vou cool gsi, leider ha ni ke ahnig gah wie nig zrugg chumme (nur das mi bus muess gruen si) u da i de usflug ned planet ha, ha ni weder mis natel no d adresse debi gah. am schluss ha ni es taxi gno- a ja isch immer dunkler worde u zwar ziemlech schnell- dr fahrer isch u jung gsi, heisst daniel u het kes wort englisch choenne. zum glueck- gottes bewahrig- het er gwuesst wo d heilsarmee isch. (auso d adresse ha nig im scho choenne saege- nur wahrschienlich chliu falsch usgsproche)
so bini ime chaefer duer stadt duesed mit eme fahrer wo e alag i sim auto het, dass es eim d ohre usejagt u de zue tanzed het, d.h frei haenig gfahre isch...we meh das choennt im auto.

mues gah hoffe i find no use wie nig bilder i blog cha tue.
muentschi bec